Яркія эмоцыі, дух прыгод і яднанне з прыродай - вось што зрабіла наш штогадовы турзлёт па-сапраўднаму незабыўным! У гэтым годзе калектыў ААТ "Берасцейскі пекар" даказалі: мы не толькі выдатная каманда на працы, але і сапраўдныя заваёўнікі вяршыняў.
Што запомнілася найбольш:
▶︎ Камандныя спаборніцтвы - дартс, петанк, спартыўная эстафета і многае іншае, якія раскрылі схаваныя таленты калег!
▶︎ Творчыя выступленні - аказваецца, што многія класна танчаць і спяваюць!
▶︎ Фуршэт у цёплай атмасферы - смачныя пачастункі, вясёлыя тосты і мора смеху за агульным сталом.
Віншуем нашых пераможцаў!
1. "Баранавіцкі хлебазавод" – ваша зацятасць і згуртаванасць прывялі вас да заслужанага золата! Малайцы!
2. "Кобрынскі хлебазавод" - вы паказалі сапраўдны байцоўскі характар і заваявалі ганаровае другое месца! Выдатны вынік!
3. "Лунінецкі хлебазавод" - бронза ваша! Вашы старанні і камандная праца былі высока ацэнены!
Асобныя апладысменты і словы захаплення калектыву "Ганцавіцкага хлебазавода"! Каманда не толькі актыўна ўдзельнічала ў турзлёце, але і змагла сумясціць прыемнае з карысным, арганізаваўшы займальную экскурсію па месцах баявой славы. Гэта прыклад таго, як можна ўзбагаціць свой вольны час і аддаць даніну павагі гісторыі!
Дзякуй кожнаму, хто прыняў удзел у турзлёце і напоўніў яго такімі душэўнымі момантамі
Заўсёды з дабром!
Фотагалерэя
28
—
