Аб прадпрыемстве

ААТ "Берасцейскі пекар" з'яўляецца вядучым прадпрыемствам па вытворчасці хлебабулачных і кандытарскіх вырабаў Брэсцкай вобласці. Асноўная задача ААТ "Берасцейскі пекар" на рынку - задавальненне патрэбнасці беларускага пакупніка ў высакаякасных і карысных для здароўя хлебабулачных і кандытарскіх вырабах па даступнай цане.

ААТ «Берасцейскі пекар» уключае ў сябе 6 філіялаў па ўсёй тэрыторыі Брэсцкай вобласці – Баранавіцкі, Пінскі, Кобрынскі, Ганцавіцкі, Лунінецкі і Давыд-Гарадоцкі. Галаўны офіс прадпрыемства размешчаны ў г. Брэсце.

На сённяшні дзень ва ўсім вытворчым аб'яднанні працуе каля 2200 чалавек. З чэрвеня 2006 года ўвесь асартымент прадукцыі рэалізуецца пад гандлёвай маркай "Берасцейскі пекар". Цяпер ААТ "Берасцейскі пекар" вырабляе больш за 700 найменняў хлебабулачных і кандытарскіх вырабаў. Гэта хлябы, булачныя вырабы сухары, сушкі, абаранкі, сухар паніровачны, печыва, пернікі, тарты, пірожныя, пернікі, кексы, козінакі, шчарбет, цеста пластовае, прысмакі мучныя і цукровыя, кісель, квас сухі хлебны і г.д. Прадукцыя прадпрыемства шырока вядома жыхарам Брэсцкай вобласці, а некаторыя віды хлебабулачных і кандытарскіх вырабаў жыхарам усёй рэспублікі і нават блізкага і далёкага замежжа.

Пачатак існаванню ААТ "Берасцейскі пекар" быў пакладзены будаўніцтвам і ўвядзеннем у эксплуатацыю цэха па выпечцы жытняга хлеба ў г. Брэсце ў 1924 годзе, які існуе па цяперашні час. Першы кандытарскі цэх быў адкрыты ў 1975 годзе. Такім чынам, наша прадпрыемства мае даўнія традыцыі хлебапячэння, заснаваныя на старажытных беларускіх рэцэптах і падмацаваныя найноўшымі тэхналогіямі і сучасным абсталяваннем.